مبعوث من زحل

تخيل نفسك انك مع كائن فضائي و هيسألك شوية اسئلة*

كنت امشي مع صديقي البشري .. في شارع من شوارع هذا الكوكب الغريب .. شفت ابراج و قصور .. استغربت من الرفاهية اللي عايش بها الانسان .. ثم فوجئت  بشخص ينام علي رصيف المشاة,
فسألت صديقي البشري : ايه الشخص العبيط ده ؟!  سايب كل البيوت و الشقق الفاضية و نايم علي الرصيف !؟
فرد علي : هو ما يمتلكش واحدة منهم ..

فزاد اندهاشي : ليه لا يمتلك واحدة .. هو عاجبه النوم في الشارع ؟! ,

نظر صديقي الي بنظرة من السخرية و قال لي : ينقصه شئ اسمه الفلوس ..
ففهمت بسرعة انه ضيع هذا الشئ المسمي بالفلوس و هو دلوقتي بينام علي الرصيف كعقاب له..
فقاطعني صديقي : هو عمره ما كان معاه اصلا فلوس!!
انا : و ليه مش معاه
هو : عشان مش بيشتغل
انا : و ليه مش بيشتغل ؟
هو : عشان مفيش شغل .. و متسألش ليه عشان كدة مش هانخلص
انا : طيب .. ايه ده ؟؟ فيه واحد هناك بياكل من الزبالة
هو : اه عادي
انا : عادي ؟ طب سيبني اتوقع  .. ده جعان .. و مش جايب اكل عشان مش معاه فلوس و مش  معاه فلوس عشان مبيشتغلش .. و  مبيشتغلش عشان مفيش شغل ..
هو : عليك نور .. انت ابتديت تفهم كدة
انا : طب وريني كدة الفلوس اللي كل الناس دي متبهدلة عشان مش معاها منها
هو : اهي يا سيدي
انا : ايه ده شوية ورق ؟! يعني انتوا عندكوا هنا اللي مش معاه شوية الورق دول ملوش حق ياكل او يشرب او ينام ؟ حتي لو فيه انسان تاني معاه فلوس زيادة ممنوع يديله .. حتي لو حد عنده شقق فاضية ماينفعش يديها لحد ينام فيها الا لما يبقي معاه فلوس .. و لو حد عنده اكل زيادة بيرميه مش بيديه لحد مش عنده .. يعني ببساطة انتوا بتتحكم فيكوا شوية ورق .. اللي معاه الورق ده ينام و ياكل و يشرب  و اللي مش معاه يموت مع انه حي !!  انا راجع زحل يا عم انا مليش قعاد هنا ..
هو : ياللا في داهية  هو احنا ناقصين بلاوي !! !!! 

ببساطة .. احنا سايبين شوية ورق يتحكموا فينا ..  سايبين الفلوس تتحكم في ضميرنا ..

الكاشير

عايز تعرف شخصيه الناس اللى حواليك و طريقه تعاملهم مع البشر اللى حواليهم بطريقه بسيطة و سهله و مش مكلفه .. ببساطه أتبع الخطوات الأتيه :1- دور على أى سوبر ماركت فى منطقة شعبيه شويه
2- أدخل المحل و هات باكو لبان كلورتس3- دور على الكاشير و حاول تدفع ال 2 جنيه و تخرجالخطوات سهله جدا بس هتعرفك كتير ..

طريقة الناس عند الكاشير هى بجد المعدن الحقيقى للى قدامك .. يعنى مثلا: لو اللى قدامك طلع المحفظة و دفع بCredit Card  أكيد ده راجل غنى
لو دفع الفلوس بظبط أعرف أنه على قد حاله شويه
بس مش ده المهم .. أنا بتكلم على الشخصيه نفسها و تعاملها مهع اللى حوليهاهتلاقى عندك أنواع كتيييييييييييير أوى
مثلا اللى بيقف فى مكانه و مبيعديش حد ولا حد بيعديه .. ده تقدر تقول عليه منظم و محترم بس معندوش ذوق ولا أتيكيت علشان ممكن يكون في وراه راجل عجوز واقف أو أم محتاسه بأبنهافى نوع بقى و النوع ده أنا بحبه و بحترمه جدا .. النوع ده بيقف مكانه و مبيتكلمش ممكن يلقى واحد عداه فبيبص و يضحك و يقوله أتفضل أو يشوف ست عجوزه و يقولها أتفضلى يا حاجه و مش بعيد يشلها الشنط و يرجع يقف مكانه و النوع ده بيبقى ابن ناس و متربى و ذوق .. و للأسف النوع ده شبه أنقرض و مبقاش فيه منه كتير و لو شفته طلع موبيلك و أفتح الكاميرا و أتصور معاهنيجى بقى للموديل المصرى الأصيل .. و ده بقى أولا: بيقعد يطنطط من صف للصف و ينقى أقصر واحد و يقف فيه و متبقاش عارف هو مستعجل ليه .. ثانيا: يجى يحاسب لازم يعترض على الفكه مع أنه كده كده هيفك من الكشك علشان يروح بيتهم و أخيرا و ليس أخرا لازم و هو ماشى ياخد يجى سبع تسع أكياس زياده من بتوع السوبر ماركت – علشان العيش طبعا - .. و ده النوع العام اللى أحنا معظمنا منه بس بتفاوت الصفات فيه يعنى بتعمل حاجه زياده حاجه أقل بس مينختلفش كتير
نيجى بقى للنوع الغريب المريب و بأختصار النوع " البيضحباطى "  .. و ده بقى مفيش حد فيكى يا بشريه متعاملش معاه و ده لازم أحكيلكوا قصته ,, فى مره و أنا واقف عند الكاشير كنت واقف و قدامى 3 لقيت واحد ست معاها حجات كتير و وقفه ورايا و أنا كان معايا ربع كيلو حلاوة .. أقعدت الست دى تتسحب تتسحب تتسحب و تحط العربيه قدام و أنا فاهم و ساكت راحت وقفت قدامى قولت عادى مفيش مشكله دى ست كبيرة و لازم أحترمها و خدتها من قصرها و رحت فى صف تانى .. الصف تانى كان قدامى واحد لقيت نفس الست سابت صفها و جت ورايا و عملت جمبى صف و جيه 3 وراها و انا ساكت راحت زقانى و قالتلى أحترمنا و أرجع ورا و خليك متحضر !! فا بقلها أنا واقف قبل حضرتك راحت بمنتهى الحكمه و الذوق ردت و قالت : " أنا كنت وقفى قدامك فى الصف التانى فأحترمنى و أقف ورا " .. و هو ده النوع البيضحباطى ببساطهأنا ممكن أبقى شاب و معنديش مشاكل أقعدى الناس كلها بس في ذوق فى أنسانيه فى حاجه أسمها أحترم الصف أنت مش احسن من غيرك .. الأتيكيت و المجاملات حلوة بس مش عافيه

و ده بيأكد حاجه أنا مقتنع بيها أوى" البشر درجات من أول أقل درجه و دى قريبه من الحيوانات لحد الطبقة الراقيه .. لو حسيت أن انت فى مكان و البشر اللى فيه من طبقة قليله حاول تبعد و دور على حته فيها بنى أدمين مش حيوانات تتعامل معاهم "

و دى كمان مقوله لهتلر : " لا تجادل أحمق .. فقد يخطئ البعد فى التفريق بينكم "

بورسعيد مجددا !!

بورسعيد عايزه توصل رساله : " أحنا مش هناخد على قفانا يا مرسى "

بورسعيد ببساطه جابوا بلالين الكبيره بتاعيت الأفراح دى و حطوها على ممشى الممر الملاحى

و حطوا عباره (  S.O.S ) على كل واحده 

عايزين يفضحوا نظام و يعروه قدام كل الدول لأان أى سفينه هتعدى هتشوف الكلام ده

بورسعيد رجاله يا نظام جبان .. 

بورسعيد رجاله يا مرشد الخرفان .. 

بورسعيد رجاله يا رئيس النهضة ..

بورسعيد رجاله يا أخوان ..

مصدر الصوره : http://www.facebook.com/x.fra3in

لحمه للبييييييع ...

أتفضل يا باشا أتفضل يا بيه .. لحمه الغلابه .. لحمه مدعمه يا باشا ..عندنا و بس كيلو اللحمه ب10 جنيه

وصل الحال بالأخوان أنهم يدبحوا حمير و يبعوها للغلابه اللى مش قدرين يشتروا اللحمه

بيبيعوا لحمه الحمير للغلابه على أنها لحمه بقرى و ب10 جنيه مدعمه من حزب الحريه و العدالة – عشانالأنتخابات طبعا –

و يعينى المواطن الغلبان يجيب كيلو اللحمه علشان يفرح ولاده و يأكلهم لحمه فى يوم غير العيد.

ده مش سفاقا ولا عدم ضمير ولا عدم أنسانيه ولا سرقه ولا غش ولا أيى حاجه من المسميات دى.

دول " أخوان كاذبون "

المصدر : W.N.N ( جريده الوطن )

ملعون أبوك يا سكوت

هنسكوت !!  شايف أن سكوتك هو الحل !! نسيت أن اللى أتعلمتوا فى 25 يناير !!

مستغرب أوى علينا .. أصل أحنا نفس الشعب متغيرش .. أحنا اللى نزلنا من سنتين متغيرناش ليه دايما الخوف هو اللى بيمشينا !!

مسمعتوش عن المعتقلين اللى بيتعذبوا كل يوم فى معسكرات الأمن المركزى فى الجبل الأحمر !!

مسمعتوش عن البنات و الرجاله اللى بتتعرى و بتغتصب فى أقسام الشرطة !!

مسمعتوش عن الأطفال اللى سنها 11 سنه و 12 سنه و مرميين فى المعتقلات و أهليهم مش عرفين يوصلولهم !!

مسمعتش عن القطرات اللى بتتقلب ولا الوسايط ولا ولا ولا ..

مسمعتش ولا مش عايز تسمع !!

متضحكش على نفسك و تقول أنا مليش دعوة

أنا مش مستعد أعود كمان 30 سنة بلحس التراب و ولادى يلحسوا التراب علشان نزلت لوحدى و أنت كنت قاعد فى البيت بتتفرج عليا فى التليفزيون و أنا بموت ..

لو عندك نخوة و رجوله و شجاعة أنزل ده حقك

ثورتك لسا مخلصتش .. ثورتك مستمره .. ثورتك حيا

#المجد للشهداء

بيقولك مره واحد بدقن ..

بيقولك مره واحد بدقن قصيره شويه كان صاحب محل كبير الراجل ده كان عنده حوالى 21 مدير منهم 11 قريبه و الباقى من جيرانه اللى فى الشارع

المهم الراجل لأبو دقن مش قصيره ده مكنش بيسمع أراء المديرين بتوعوا و أبتدوا يمشوا واحد ورا التانى لحد ما وصلوا 11 واحد.

ال11 واحد دول بقى كان فى منهم حوالى 10 قريبه و كلهم بدقن قصيره و واحد داقنه كانت طويله.

و الغريب أن اللى صاحب المحل ده مكنشبرده بيسمع كلام ال11 واحد بس كانوا قعدين عشان قريبه.

كان فى واحد من اا11 داقنه كانت طويله و كان أنتيم الراجل صاحب المحل لحد ما جه فى يوم و صاحب المحل ترض صاحبه ده و قاله " أنت بتتربح من مهنتك ".

أم الراجل أبو دقن طويله مسكتش و أكلته العشره اللى بنهم و أقعد يعيط و يدعى على صاحب المحل و خلى الشارع كله يتلم عليه و جاب قريبه اللى بدقن طويله بقى علشان يجيبو حقه.

الراجل أبو دقن طويله كان الستر و الغطى بتوع صاحب المحل فأقعد يفضحوا فى كل حته و قعد يقول على المجلات اللمؤخذه اللى كانت معاه و أنه كان حرامى و قال أنه هو اللى قتل الناس فى الأتحاديه.

أتحاديه !! لأ مش قصدى .. دى قصه تانية .. نرجع لموضوعنا.

بس  يا سيدى و بقالهم يومين هما الأتنين شغلين يفضحوا بعد و ينشروا غسلهم اللى مش نضيف قدام الناس .

درس تاريخ ( 2048)

جد كان قاعد جمب حفيده احمد اللى فى سنه خامسه أبتدائى و زاى ما احنا عرفين أن خامسه أبتدائى دى شهادة – لغوا سنة سته فى 2024 – و كان قاعد بيذاكر الدرس التالت فى التاريخ اللى كان بيتكلم عن ثوره 25 يناير 2011 .. 
و دار هذا الحوار :

الجد : ايه يا حبيبى بتذاكر أيه !! شاكلك قاعد محتاس و مش عارف تذاكر.

احمد : لأ يا جدو ده درس تاريخ خدناه و مش عارف أفهمه .. ما تذكرهولى أنت يا جدو !! مش أنت برده كنت موجود ساعت الثوره ؟ أكيد هتعرف تشرحهولى

الجد : عينيا يا حبيبى .. أنا هحكيلك القصة من الأول و بعد كده نذاكر من الكتاب .. زمان كان فى رئيس جمهوريه أسمه حسنى مبارك ..

احمد : مش ده اللى كانو بيقولو عاليه صاحب الضربه الجويه و طلع بيشتغل البلد !!

الجد : اه هو !! .. الراجل ده قعد 30 سنة يسرق فى البلد و الناس مكانتش لقيه تاكل و مفيش شغل و العيشه كانت وحشه لحد ما جيه شويه شباب كده قدى و قولنا أننا مش هانسكوت و قولنا هنعمل ثورة ..

أحمد : مش كنتوا بتتكلموا و تنشروا موضوع الثوره على البتاع القديم بتاعكوا ده اللى أسمه ( فيسبوك ) !!

الجد : بتاع قديم !! يابنى ده ساعتها مكانش فى حد فى مصر مش عنده حساب على الفيسبوك .. ما علينا .. مش هنتناقش فى الحجت القديمه علشان أنا كنت بعمل زايك كده لما كنت قدك

أحمد : بس يا جدو أنا عندى فى الكتاب أن مش الشباب اللى عملوا الثوره !!

الجد : نعم !! مش الشباب ازاى !! أمال مين اللى عملها !!

أحمد : الأخوان يا جدو ..مش الأخوان دول هما اللى عملوا الثوره !!

الجد : أخوان مين !! أمال انا كنت بعمل أيه ساعتها !!

أحمد : مكتوب عندى هنا أن الاخوان دعوا الناس للخروج و يعملوا ثورة و أنتوا تلعطوا وراهم بدليل ان الأخوان هما اللى كسبوا فى الانتخابات الرئاسية و البرلمانيه و لحد دلوقتى بيكسبوا.

الجد : ما يا حبيبى هما بيدفعوا رشوة .. و أحنا مش هنردى ندفع رشوة.

أحمد : يا جدو أنتة بقالكة 35 سنة محدش فى التيار المدنى كسب ..

الجد : معندناش قائد للثوره ..

أحمد : طب و الحل أيه ؟

الجد : أدينا يا حبيبى بننزل الميدان كل جمعة بقلنا 35 سنة و أن شاء الله هنسقط حكم المرشد

" يسقط يسقط حكم المرشد " لا نهايه لها.

..............................................................................